NATIONAL – Gin pahayag han ICC-accredited lawyer nga hi Atty. Joel Ruiz Butuyan ha usa nga interview nga pwede la temporaryo nga ma-release an anay presidente nga hi Rodrigo Roa Duterte kun harani ine ha nasud The Netherlands kun diin pagdudunggon ha International Criminal Court (ICC) ha The Hague.
An nasabi nga pahayag in kahuman han hangyo han kampo ni Duterte nga temporaryo nga pagawson ine tikadto ha usa nga waray ngarani nga ansud nga daw tumugot mag-host haiya.
Dugang pa ni Butuyan, an nasud nga pwede la kumarawat kan Duterte in kinahanglan mga membro han ICC agud masunod an mga aludayday han korte.
Manunumduman nga gin kumpirma han prosekusyon nga dire hira balabag ha request han kampo han anay Presidente basta masunod la an mga kondisyon kaupod an pagbabawal kan Duterte nga gumamit hin internet o cellphone ngan an pamilya la hine an pwede hine makaistorya.
Gin panhimuwa gihapon hine an nagsasarang nga balita kasumpay ha senador nga pwede daw maibalik hi Duterte ha Pilipinas, nga tinawag hine nga fake news.
Sumala pa hine, an kaso nga ginkakatubang han anay presidente in dire politikal, kundi kasumpay ha mabug-at nga krimen kontra ha katilingban.
