-- Advertisements --
NATIONAL – Target nga ig convert an mga nakatiwangwang nga dam parsa ha irigasyon para magin water sources para ha utility firms ngan diresto pahatas-on an suplay han malimpyo nga tubig ha nasud.
Sumala kan Department of Environment and Natural Resources (DENR) Undersecretary Carlos Primo David, usa ine ha mga pitas nga ginbubuhat han gobyerno para mabaton an kakulangan han potable water.
Kasumpay hine, gintikang na daw an pagconvert ha mga dam ha Cavite ngan mayda 22 nga nakatiwangwang nga reservior.
An mga dam in dire na magagamit mahuman nga himuon nga residential communities na an mga umhanan nga anay ginpapatubigan han nasbai nga dam.
