MANILA, PHILIPPINES – Nahipatik han Ninoy Aquino International Airport an pinakahitaas nga ihap han mga pasaheros ha kasaysayan hini mahuman umabot ha 4.96 milyon nga biyahero an umagi ha airport dida han Enero 2026.
Nalahusan hini an anay record nga 4.86 milyon nga pasaheros dida han Disyembre 2025.
Sumala ha pamunuan han paluparan dara hini an makusog nga holiday travel season, kun diin umabot ha haros 2.6 milyon nga pasaheros an nanbiyahe tikang Disyembre 20, 2025 kutob Enero 4, 2026.
An Enero 4 an nahipatik nga pinaka-busy nga adlaw, nga may sobra 180,000 nga pasaheros.
Samtang, umabot naman ha 2.42 milyon nga international passengers an nahipatik dida han Enero 2026, mas hitaas hin 8.16% kumpara ha kaparehas nga panahon han nakalabay nga tuig.
Nahipatik gihapon han NIA nga an domestic passenger traffic hini in nakaghipatik hin 2.54 milyon nga pasaheros nga humitaas hin 3.16 year on year.
