TACLOBAN CITY– Patay an usa nga lalaki, mahuman ine nga panbun-on ngan iglabog ha dagat ha San Juan beach ha Palompon, Leyte.
Sumala kan PCMS. Jomar Muertigue, Investigator hiton Palompon Municipal Police Station, nga subay ha ira gindumara nga imbestigasyon, pumakadto an biktima ha nasabi nga lugar han nakalabay nga Nobyembre 5, kaupod an patod hine nga babaye mga alas-11 han aga pero pag-abot hiton ala-1 han kulop in mayda na daw ine iba nga grupo nga kaupod.
Dugang pa han imbestigasyon, nahikit-an nala an patay nga lawas kinabuwasan nga naglulutaw-lutaw ngan waray na panapton.
Mababaruan nga mayda binun-an ha may sugbong an biktima nga ginkikita gihapon nga rason han dayon hine nga kamatayon.
Hapagkayana, mayda na mga person of interest an mga otoridad kun diin nagbibiling nala an mga ine hin kadungan nga mga ebidensya ngan impormasyon nga makaktudlok hiton suspek.
