TACLOBAN CITY – Pira nga mga eskwelahan ha Sinirangan Bisayas an nagdeklara hin waray klase buwas nga adlaw, Pebrero 25, 2025 kumo pagtigaman han anibersaryo han 1986 EDSA People Power Revolution.
Waray klase ngan trabaho ha St. Scholastica’s College Tacloban Inc, nga kun diin, ha ira anunsyo in kumo pakikiduyog ha pagtigaman han EDSA People power Revolution nga usa daw nga historic event nga nagpapakita han pagkakaurusa, kamaisog ngan commitment ha demokrasya.
“In line with our academic calendar and in support with other Catholic institutions observing this occasion as a holiday, I hereby declare February 25, 2025 as a non working holiday. There will be no work and classes on this day” yakan ni Sr. Mary Frances Dizon, OSB President han eskwelahan.
Gin anunsyo naman pinaagi ha Facebook page han Liceo del Verbo Divino-SSM-SHS nga diri naman mapakadto ha eskwelahan an mga estudyante o Divinians ha nga tanan nga level kumo pakikiduyog han pagtigaman han okasyon.
Waray gihapon klase buwas nga adlaw an Holy Cross College of Carigara, Incorporated.
Gindeklara han Malacañan nga Special Working Holiday an EDSA People Power Revolution Anniversary yana nga tuig.
Samtang, magpapatuman naman hin Asynchronous class an University of Eastern Philippines (UEP) buwas nga adlaw.
““This observance serves as a reminder of the historic struggle for freedom, democracy, and national unity. The UEP community is encouraged to reflect on the enduring legacy of People Power and reaffirm its commitment to safeguarding the values of justice and peace that it upholds.”
