TACLOBAN CITY – Nakakarawat an munisipyo han San Miguel, Leyte hin pagkilala nga Seal of Good Local Governance dida han nakalabay nga adlaw ha Metro Manila.
Sumala kan Atty. Norman Sabdao Municipal Mayor han San Miguel Leyte, nga ine nga pasidungog in kasunod hiton Republic Act No. 11292 nga may panuyuan nga kilal-on iton maupay nga pangobyernohan, sugadman an pagmamangulo hiton usa nga lugar ngan iton transparensiya, kalakip na an maupay nga pagkapot hiton pampubliko nga budget.
Nakilala an San Miguel, Leyte ha nasyonal nga lebel ha padayon nira pagpapadalagan ngan pagmamangulo hin maupay ha ira lugar.
Kadungan hine, nakakarawat an munisipalidad hin P1.8 milyon nga pahalipay, nga kun diin plano nga gamiton han pangobyernohan han San Miguel Leyte, ha pagpapaupay pa han ira turismo ngan iba pa nga buhatan nga kinahanglan hin atensyon.
