-- Advertisements --
TACLOBAN CITY – Arestado an usa nga drug personality ha gindumara nga operasyon han mga otoridad ha Brgy. Cayare, San Miguel, Leyte.
Ginkilala an mao nga suspek nga hi Roy Labesig, usa nga Municipal Trial Court Employee, 44 anyosa an pangidaron ngan residente han mao nga lugar.
Sumala kan Rogellete Urgel, tagapagyakan han PDEA-8, nga an mao nga suspek in ginkokonsidera nga High value target (HVT).
Nakuha naman ha mao nga suspek an tulo kabug-os nga plastic sachet nga mayda sulod nga shabu nga na kantidad ha 81 mil ka pesos.
Naatubang naman ha pagkayana an mao nga suspek ha kaso nga pagtalapas han RA 9165 ngan yana in temporaryo nga nakadetinir ha PDEA RO8 Detention Facility.
