NATIONAL – Plano yana han Deparment of Agriculture nga igpahamubo na ha P45/kilo an maximum suggested retail price han mga imported premium price ha mga merkado ha katapusan han Marso.
Sumala kan Agriculture Sec. Francisco Tiu Laurel Jr., naabatan yana an paghamubo han mga world prices ngan an pagkusog han piso sanglit ginlalauman han departamento nga magpapadayon ini.
Eksplikar han sekretarya kun magpapadayon an paghamubo han presyo han mga world prices, posible nga igpahamubo pa ha mas hamubo ha presente nga P49/kilo an presyo han mga imported premium price ha mga merkado.
Samtang, ginanunisyo naman han sekretarya nga mahitungod hini, in mas posible na an paghamubo han mga presyo han bugas ha P45/kilo kumo maximum suggested retail price han mga ini pagulpot han Marso 31.
Ha pagkayana in nagpapadayon naman an paglarga han distribusyon han mga buffer stock tikang ha National Food Authority kumo kaparte na gihapon ha pagaanunsyo han food security emergency for rice.
