NATIONAL–Ginbasura han Korte Suprema an mosyon nga ginpasa nira Sen Bato Dela Rosa ngan former President Rodrigo Duterte ha ginaligar nga ‘arrest warrant’ nga gin isyu han International Criminal Court.
Ha natabo nga En Banc Session han Korte, diri ini pabor han paghangyo han mga petitioners ha ginpasa nga ‘Very Urgent Motion’ han ika 12 han Nobyembre.
Hangyo han mambaralaod ngan anay pangulo nga igmando han korte hi Ombudsman Jesus Crispin Boying Remulla nga igpagawas o igpakita hini an kopya ha arrest warrant tikang han ICC.
Mababaruan nga ginpagawas ni Omb. Remulla nga inaligar nga nag-isyu na an ICC warrant ngan mayada daw hiya kapot nga kopya hini.
Ginmando naman han Korte ha Department of Justice, Department of Foreign Affairs ngan iba pa nga mga respondent nga igpasa an ira kumento ha sulod hin 10 ka adlaw magkabulag ha ‘Very Urgent Manifestation han mga petitioner.
Ha kaluyo hine, waray la gihapon gin-aksyunan han Korte Suprema an syahan nga petisyon nira Sen. Bato ngan former Pres. Duterte nga buligan han gobyerno ha ICC.
