-- Advertisements --
TACLOBAN CITY – Padayun an ginbubuhat nga monitoring hiton Philippine Coconut Authority PCA-8 ha presyo han lugit ha bug-os nga rehiyon.
Sumala kan Joel Pilapil, Regional Manager han Philippine Coconut Authority Regional Office 8, mayda duduha nga klase hin presyo hiton lugit, an “pasa” ngan “resikada”.
An resikada in amu an presyo nga natikang ha mga oil mill o planta sugad nala ha Tolosa, Baybay, ngan Calbayog, samtang an pasa naman in amu an iba-iba an presyo kun diin nadepende ine ha bungto.
Hapagkayana, an average nga presyo hiton pasa in naabot ha P20.50 kada kilo, samtang an resikada naman in ada ha P30 kada kilo.
