Opisyal na nga gin abrihan han Metro Manila Film Festival (MMFF) an pag-aabri han submission para ha 2026 editions hini, kaupod an importante nga dadline para ha mga filmmaker nga karuyag bumulig.
Ha advisory nga ginpagawas dida han Abril 8, ginmalatumat han MMFF committee nga an pagpapasa hin Letters of Intent in kutob la Mayo 15, 2026, nga susundan han deadline para ha script submission ha Hunyo 15, kutob alas-5 hiton kulop.
Samtang, an mga kompleto nga pelikula in kinahanglan makagpasa ugsa an Setyembre 30, alas-5 hiton kulop.
Gin aghat han komite an mga kaapi nga siguraduhon nga kompleto ngan naipapasa ha oras an ngatanan an rekisitos agud magin kwalipikado ha selection process.
Gin bubuhat kada-tuig kada Disyembre, an MMFF nga kilala ha pagpapakita han mga pelikuha nga Pilipino ha panahon han Kapaskuhan ngan nagseserbi nga plataporma para ha parehas mainstream ngan independent filmmakers.
Dida han nakalabay nga tuiga, walo nga pelikula an napili nga official entries tikang ha 23 scripts nga ginpasa.
Ginpili an mga ini subay ha artistic excellence, commercial appeal, Filipino cultural sensibility, ngan global appeal.
Ginmamanguluhan an selection committee ni Boots Anson-Rodrigo.
Ha Gabi ng Parangal dida han nakalabay nga edisyon, nanguna an pelikula nga “Manila’s Finest” nga ginbibidadhan nira Piolo Pascual ngan Enrique Gil nga humakot hin award, kalakip na an Best Cinematography ngan Best Production Design.
Labot pa hini, naghimo gihapon hin kasaysayan hi Vice Ganda kumo pinakasyahan nga openly gay nga nagdaog hin Best Actor, samtang hi Krystel Go naman an pinakasyahan nga may-ada Down Syndrome nga nagdaog kumo Best Actress.
