NATIONAL- Ginpahayag han Metropolitan Manila Development Authority (MMDA) nga iginpatuman na nira an suspensyon ha tanan nga road excavation ngan mga ginhimo nga karsada ha Metro Manila agud nga maibanan an trapiko ha maabot nga holiday season.
Sumala kan MMDA Chairman Don Artes, tutugutan an mga road works tinikangan Disyembre 26 matungod nga magaan na an dalagan hiton trapiko pagkahuman hiton Pasko.
May mga proyekto naman nga exempted sugad han mga dagko nga infrastructure projects, repair works ha tulay, ngan emergency repairs ha tubig ngan kuryente.
Labot dinhe, igpapatuman gihapon an pag-iban ha oras han operasyon han mga mall ngan limitado nga oras han delivery agud nga makabulig nga magin magaan an trapiko.
Gin-esplikar gihpon an operasyon ha mga bus ha EDSA tikang ha Disyembre 20 kutob Enero 2, kalakip na an mga provincial buses, agud nga mabaton an kadamo han mga pasaheros.
