NATIONAL- Umapela hi Metropolitan Manila Development Authority (MMDA) General Manager Nicolas Torre III ha mga raliyista nga igkonsideras ngan unahon an katungod han kadam-an a butnga han haluag nga rally ha EDSA.
Yana nga adlaw, nagdumara an mga miyembro han Iglesia ni Cristo hin rally ngan gin-atinderan ine an yiukot-yukot nga mga protester, kumo pagpakita hin suporta kay Senador Rodante Marcoleta kasumpay ha plano han Ombudsman nga magpasaka hin kaso ala-kontra ha iya.
Sumala kan GM Torre III, kinahanglan nga magdaog an common good, labi na nga naapektaran an trapiko.
Gindig-unan ni Torre nga dayon nag-deploy an MMDA hin kadugangan nga traffic enforcers, kaupod an mga pulis, mahuman nga magin mnabug-at an trapiko ngan umundang an dalagan han mga motorista ha EDSA.
Mababaruan nga umabot kutob ha Makati City an trapiko ha northbound lane han EDSA, samtang ha southbound naman in umabot kutob ha Timog Avenue, Quezon City.
Utro naman nga umapela an anay Philippine National Police (PNP) chief ha mga raliyista nga magin kalmado han pagpapahayag han ira araba.
