TACLOBAN CITY — Samaran an usa nga misis mahuman nga panigbason han iya kalugaringon mister tungod ha selos ha bungto han Barangay Buntay, Abuyog Leyte.
Ginkilala an biktima nga hi Emelita Ibañez, 63 anyos samtang an suspek nga ka live-in partner hini hini in nakilala kan Cresencio Mayko, 32 anyos pareho mga residente han mo nga lugar.
Sumala kan PSInsp Ronald Espina, hepe han Abuyog PNP, nga naglalaba an biktima han tigda nala ini nga ginpaninigbas han suspek tungod ginseselosan hini an biktima ngan han ira panday nga may-ada relasyon.
Nag-angkon hin 3 nga tinigbasan an biktima nga dayon nga nadara ha pinakaharani nga ospital ngan yana in ada na ha stable nga kondisyon.
Nadakop naman an mao nga suspek ha gindumara nga hot pursuit operation han mga kapulisan nga yana in nakapaslan na ha presohan ngan naatubang ha kaso nga frustrated murder.
