INTERNATIONAL – Naatubang ha unom nga federal charges ngan state 1st degree murder charges an suspek ha natabo nga panmumusil ha Minnesota USA.
Personal nga nagpakita ha korte an 57 anyos nga hi Vance Boelter mahuman nga dakpon han mga otoridad mahitungod ha pagpatay kan state Rep. Melissa Hortman ngan asawa hini, pati na gihapon an pagpusil kan state sen. John Hoffman ngan iya asawa.
Subay han Hennepin County prosecutor, mahitungod nga waray death penalty ha Minnesota in maatubang nala an suspetsado ha first-degree muder charges ngan kun mapamatud-an nga guilty in posible sentensyahan hin bug-os nga kinabuhi nga pagkapriso o life imprisonment.
Samtang ha nasabi nga hearing, nagpagawas an hukom hin bench warrant para ha suspek nga mayda 5 milyones dolyares nga piyansa.
Ha pagkayana in nagpapabilin an suspetsado ha kustodiya han US Marshals kun diin nakatalaan an masunod nga hearing ha kaso yana nga Hunyo 27.
