TACLOBAN CITY – Dead on Arrival ha hospital an usa nga Rural Health Midwife mahuman nga mag turn turtle an guinsakyan nga motorsiklo ha may parte han Barangay Lalawigan ngan Cabong nga sakop han Siyudad han Borongan Eastern Samar.
Guinkilala an biktima nga hi Nilda Baje 29 anyos an pangidaron ngan residente han Barangay 7 Poblacion, Maydolong, Eastern Samar.
Sumala pa han mga nagpakakita nga nakasakay mismo ha iya motorsiklo an biktima ngan pumaliko ha kurbada nga dalan.
Tigda daw nga may tumalabok nga ayam rason nga maligsan ngan bumaliktad an guinsakyan hini.
Dead on arrival naman an natura nga biktima dida han igdalagan ha Borongan District Hospital.
Nahibaruan nga nakatalaan unta nga magselebrar han iya birthday an biktima buwas mismo nga adlaw.
