ENTERTAINMENT – Nagpasaka hin kaso nga perjury an beauty queen nga hi Michelle Dee kontra ha iya driver nga nag-akusar ha iya hin panmimisikal.
Dugang pa hini, may-ada magkadirudilain nga pahayag an driver nga hi alyas “Totoy,” nga amo an driver ngan personal assistant han igkasi niya aktres nga hi Rhian Ramos.
Kaupod ni Dee an iya abogado ngan kumadto ha National Bureau of Investigation (NBI) agud kasuhan an iya driver. Sumala han iya abogado nga hi Atty. Maggie Garduque, magkadirudilain na pahayag ni alyas “Totoy” sanglit nagdesisyon hira nga kasuhan ini hin perjury.
Manunumduman nga ginbuyagyag ni alyas “Totoy” nga hiya in ginkastigo nira Dee, Ramos, ngan pira nira nga kauropdan tungod han daw pagkuha hin mga sensitibo nga litrato han aktres.
