-- Advertisements --
NATIONAL – Iimbestigahan na han National Bureau of Investigation (NBI) an mga vloggers ngan trolls nga nagpapasarang hin mga sayop nga impormasyon ngan fake news ha social media ngan iba pa nga online platforms.
Ginmalatumat ni NBI Director Jaime Santiago, nga nagtitikadur na an mga online attacks ha mga tawo sanglit gumios na an ira cybercrime unit.
Dugang pa hine, ginrerespeto nira an freedom of expression ngan speech pero dire daw ine rason para mag-imbento hin balita.
Nag abiso gihapon ine nga kakasuhan han NBI an pira katawo kaupd hi Maharlika nga usa nga US-based vlogger.
Posible naman maatubang ine ha pagtalapas ha anti-cybercrime law ngan inciting to sedition.
