-- Advertisements --
JALISCO, MEXICO – Padayon nga ginhahalpat han kapulisan ha Mexico an mga inmates nga umiskapo ha prisohan ha Puerto Vallarta.
Naiskapo an mga inmates mahuman nga atakihon an Jalisco New Generation Cartel an jail facility.
Usa la ini ha mga insidente nga nagresulta han ginlunsar nga kasamok tikang han mapatay han mga otoridad an lider han cartel nga hi Nemensio Oseguera Cervantes o kilala kumo hi “El Mencho”.
Ha insidente, sobra 70 katawo an namatay kaupod an 25 National Guard members.
Agud maibanan an kasamok in nagpasarang an gobyerno han Mexico hin sobra 10,000 nga sundalo kun diin may pira nga miyembro han cartel an nadakop na gihapon.
