HEALTH NEWS – Kabombo, sadang kita nga mag-ikmat ha aton mga ginbubuhat ha kada adlaw. Sagdon han mga doktor mayda mga ugat ha aton lawas nga delikado kun naiipit tungod nga pwede ini magkawsa hin pagkamatay.
Usa na dinhi kabombo an ugat ha liug o batok an carotid artery.
Kun huot an kwelyo han imo bado, pwede nga maipit an mao nga ugat ha imo liug nga posible nga maging rason han imo pagcollapse.
Kun mahihimo in ayaw na igpakot an butones ha imo liug labi na kun huot an imo bado o kwelyo.
Labot pa hini sagdon gihapon han mga doktor nga dire himuon nga ulunan an imo kamot. Pwede nga maipit liwat an median nerve ngan mamanhod an imo kamot.
Paghirot gihapon ha pagsusul-ot hin huot nga maong ngan pagsulod han imo pitaka ha luyo nga bursa han saruwal tungod nga pwede nga maipit an imo sciatic nerve ngan magbanhod an imo tiil.
