NATIONAL NEWS– Naipadara na pakadto ha Myanmar and Philippine Contingent for Humanitarian Assistance and Disaster Response Mission para bumulig han mga biktima han natabo nga magnitude 7.7 nga linog.
Kanina hiton ma-agahon, gindumara an send-off ceremony ha Villamor Airbase ha syudad han Pasay.
Maabot naman hiton 200 nga mga personnel han Philippine Air Force nga ginkakalakipan hiton 505th Search and Rescue Group (SRG), PAF Aeromedical Teams, Aircraft Security Teams from the 710th Special Operations Wing (SPOW).
Sumakay an mga ine hiton C-130 Aircrew tikang ha 220th Airlift Wing.
Una na nga ginsigurado ni Defense Secretary and National Disaster Risk Reduction and Management Council (NDRRMC) chairman Gilberto Teodoro Jr an bulig nga ighahatag ha nasud Myanmar.
Manunumduman, sumaka ha 2000 katawo an namatay ngan sobra 200 an naitala nga nawawara matungod han nasabi nga linog.
