Mahugot nga ginkondena han pira nga senador an usa nga AI-generated video nga ginpagawas han usa nga China-based media outlet nga nagpapahayag ha mga Pilipino kumo mga unggoy kasumpay han isyu ha 2016 Arbitral Award ha West Philippine Sea.
Sumala kan Senate Pres. Sherwin Gatchalian, waray lugar an racism ngan pan-aalipusta ha dignidad han tawo, bisan pa man may dire pagkakaintindihay ha butnga han mga nasud.
Ginaaghat gihapon niya an tanan nga media ngan mga institusyon nga magin responsable ngan igduso an maupay ngan mayda respeto nga pagbabalita.
Ginmalatumat naman ni Sen. Francis “Kiko” Pangilinan nga klaro nga racist ngan nakaiinsulto an nasabi nga video.
Nanawagan hiya ha gobyerno han China nga igtanggal an video, umaro hin pasaylo, ngan papagbatunon an mga responsable ha paghimo ngan pagpapagawas hini.
