HEALTH NEWS – Mga kabombo normal ha aton kinabuhi an makaabat kita hin stress tungod ha aton mga problema pero maaram kaba nga damo an sakit nga posible nga maidurot ha aton han stress?
Pira ha mga ini amo an mga masunod:
1. Ul-ol ha ulo ngan liug nga durot han pagtig-a han muscles ha liug tungod han tensyon
2. Ulcer – nagiging acidic an imo tiyan
3. Paghuot han dughan
4. High blood pressure
5. Kakuri ha pagginhaw, permanente nga kakulba ngan palpitasyon
6. Sakit nga diabetes
Para mabawasan ang stress, sunda adi nga mga pamaagi
1. Magkaada hin mga kasangkayan nga imo makakaistorya bahin hiton imo mga problema. May pag-aram kabombo nga an pakikipag istorya ha sangkay in kaparehos iton epekto ha pag-inom hin pain reliever
2. Ayaw kangalimot nga maging malipayon, tumawa la gihapon ha kaluyo hiton mga problema. Kun kita in natawa nagrerelease hin endorphins an aton lawas nga makakaupay para ha aton pan-abat
3. Pwede mo gihapon nga igsurat ha papel an imo mga gin-aabat. Pinaagi hini baga baga hin naipapagawas mo o naihihinga an imo problema
4. Magkaada hin sakto nga katurog agud nga kumusog ka
5. Mag-ampo – An Diyos an pinakamakakabulig ha aton. Dire kita sadang nga mawarayan hin paglaum labi na ha panahon hin damo iton aton problema6. Magpakonsulta ha doktor agud nga maeksamin an stress nga imo inaabat ngan mabuligan ka nga matambal ini
