Ginsigurado han National Grid Corporation of the Philippines nga padayon nira ginpapakusog an transmission network ha nasud.
Kasunod ini han mando ni Presidente Ferdinand Marcos Jr. ha Department of Energy nga kitaon an estado han mga presente nga proyekto han NGCP.
Sumala ha NGCP, padayon hira nagpapatuman hin mga kritikal nga transmission projects agud solusyonan an nagtitika-dako nga demand ngan masuportaran an integration han mga bag-o nga planta han kuryente ngan renewable energy sources.
Samtang, welcome naman para ha NGCP an pagtutok han gobyerno ha sektor han enerhiya ngan ha panawagan para ha napapanahon nga pagpagawas han mga permit ngan dire nadedelatar nga right of way access agud madagmit nga makumpleto an mga pangunahon nga transmission projects.
