METRO MANILA – Gin sigurado han Department of Public Works and Highways (DPWH) nga dire madedelatar an mga proyekto ha imprastraktura han nasud ha kaluyo han paghitaas han gastos resulta han padayon nga pag-umento han presyo han lana ha world market.
Sumala kan DPWH Secretary Vince Dizon, an pag-abot han presyo han lana ha haros $120 per barrels in ginlalauman nga magpapahitaas ha kantidad han mga materyales ha konstruksyon, magin ha gastos ha pagpapadalahan han mga heavy equipment.
Agud malikayan an pagkadelatar, ginmalatumat han sekretarya nga posible magpatuman hin mga variation orders o price escalation provisions ha mga kontrata agud ig adjust an pondo, pero mahugot ini nga nagpahimatngon nga dire ini abusuhon.
An padayon nga konstrukyon in subay ha mandato ni Presidente Ferdinand Marcos Jr.
Samtang, gin klaro gihapon ni Dizon nga nakadepende ha pagpagawas han pondo tikang ha Department of Budget and Management (DBM) an pagbabayad ha mga contractors.
Ginbuhat an anunsyo ha kabutngaan han inspeksyon ha Maharlika Highways ha Eastern Visayas kumo pangandaman ha pagdamo han mga motorists yana nga Holy Week.
