TACLOBAN CITY – Ginpatapod han Department of Human Settlements and Urban Development Region 8 nga andam ini solusyunan ngan mabuligan an mga katawhan nga nagkikinahanglan hin bulig parte han mga pabahay.
Sumala kan DHSUD Regional Director Michael Victor Tezon nga waray ginpipili an ira ahensya ha mga programa ha ilarom nira basta an mga ini in kwalipikado nga mga beneficiaries mahitungod nga hira daw an nanlilista han mga interesado nga mga benepisyaryo nga ginhahatag naman ha mga Local Government Units nga kun diin, iginbabalik liwat ha ira para ig counter-check ngan ig eendorso tikadto liwat ha Pag-IBIG.
Ginlalauman naman nga kutob 2028, makakab-ot han gobyerno an masobra 164,000 nga paghingulang hin housing units ha Rehiyon.
Nahihimutang an opisina han Department of Human Settlements and Urban Development ha IP Bldg., Maharlika Highway, Brgy. 95-A, Caibaan, , Tacloban City, Philippines.
