TACLOBAN CITY – Igin pahibaro han Land Transportation Office Eastern Visayas nga abilable na an mga plaka han sarakyan ha ira opisina.
An nasabi nga mga plaka in para ha mga sarakyan nga waray matagi hin plaka dida han nakalabay nga tuig.
Sumala kan Land Transportation Office Eastern Visayas Director, Atty. Ledwino R. Macariola, kaupod an mga lokal nga pangobyernuhan ha rehiyon in personal nga mapakadto an mga personahe han LTO ha mga munisipalidad ha rehiyon agud ig release an mga plaka ha mga vehicle owners, kun diin panuyuan hine nga magin masayon ha mga tag-iya han sarakyan an pagkuha han ira plaka ngan dire na magbiyahe tikadto ha opisina han LTO.
Dugang pa hine, an nasabi nga mga plaka in an mga plaka nga ginpapamulat han mga tag-iya han sarakyan tikang pa dida han nakalabay nga tuig-2015 nga waray maihahatag ha mga ine.
Ginpahibaro gihapon ine nga libre an plaka ngan dire mangangaro hin anuman nga kabaraydan an irsa ahensya mahitungod nga bayad naman ine han mga tag-iya han sarakyan dida han pagpalit ngan pagka-mayda hin initial registration han mga sarakyan.
Dire daw gihapon angay mabaraka an mga vehicle owners nga aadto ha harayo nga lugar iton mga sarakyan pero aanhi ha rehiyon naka-rehistro mahitungod nga an ira opisina an makikig-koordina ha regional office han LTO kun diin aadto an sarakyan agud dire na bumiyahe an tag-iya para la pagkuha han plaka.
Samtang, adi naman an mga rekisitos nga kinahanglan dad-on ha pagkuha han plaka:
- • Original Cert of Registration and latest copy of OR
- • Photocopy of Cert of Reg and latest OR
- • Photocopy of Valid ID of Registered Owner
Para han otorisado nga representante (individual, company, or government):
- Authorization letter from registered owner/company/office
- Photocopy of Valid ID of authorized representative
Kun waray pa kahi-transfer ha bag-o nga tag-iya:
- Copy of Deed of Sale
- Valid ID of previous owner
In kaso naman han nawara nga OR/CR, magpasa hin Affidavit of Loss
Abri naman an opisina an Land Transportation Office, alas-8 hiton aga kutob alas-5 hiton kulop, tinikangan hiton Lunes ngada hiton ka-Biyernes. (via Bombo Niña Magpili)
