-- Advertisements --
TACLOBAN CITY – Kumpara han nakalabay nga tuig in mas huminay o mas humabubo an ihap han mga pasaheros nga tikang ha Manila ngan Davao han yana nga tuig ha Abucay New Bus Terminal.
Sumala kan Roel Lopez, Dispatcher han usa nga Bus Company, dako daw an gin kaibahan han yana nga tuig kumpara han nakalabay mahitungod nga mas daru-damo an pasaheros han nakalabay nga pagtapo han Semana Santa kumpara yana nga tuig.
Dire daw gihapon punuan an mga bus nga nalakat tikang ha New Bus Terminal, pero kun tikang naman daw ine ha Manila in medyo puno-puno na ine.
Mayda naman daw gihapon mga pasaheros nga nalakat pagawas ha syudad pero mas gutiay la daw gihapon ine kumpara han nakalabay nga tuig.
