HEALTH NEWS – Mga kabombo, labi na gud an mga kababayin-an nga gusto na nga magkababy pero nakukurian pa nga magburod, adi an pipira nga mga tips nga makakabulig ha iyo:
1. Ipabilin an sakto nga timbang – An sobra o kakulangan ha timbang in posible nga makaapekto ha produksyon han hormones ngan makapugong ha normal nga obulasyon.
2. Likayi an pagkakaada hin STIs o Sexually transmitted infection – Ini in nangunguna nga rason para ha kababayin-an nga nawawarayan kapas nga magburod. Agud nga maproteheran an imo kalugaringon ala kontra ha STIs, magkaada hin talwas nga pakikipaghilawas ha uusa la nga partner.
3. Kumaon hin masustansya nga mga pagkaon – An pagkaon hin prutas, utan, karne ngan iba pa nga mapagkukuhaan hin protina in maupay para ha lawas ngan ha imo hingyap nga magburod.
4. Regular nga magpakonsulta ha doktor o OB Gyne – An regular nga pagpacheckup ha imo doktor in makakabulig ha imo nga masabtan ngan matambal an kondisyon ha imo panlawas nga posible nga maging hulga ha imo pagiging fertile.
5. Likayi an pagtatrabaho ha gab-i – Makakaapekto gihapon ini ha produksyon han imo hormones.
6. Likayi an pagsisigarilyo – Nakakapagpalagas ini han imo obaryo
7. Likayi an pag-ininom hin makahurubog nga irimnon – Posible gihapon ini nga magdurot hin kadelikaduhan ha imo obulasyon8. Ibani an kamahilig ha pag-ininom hin kape
