-- Advertisements --
TACLOBAN CITY – Nakumpiskar han Tacloban City Police Station 2, an pira nga mga paburothon nga ilegal nga ginbabaligya nga waray permit tikang ha hintutuinan.
Sumala kan PLTCOL. Edwin Cañamaque, Chief hiton City Community Affairs and Development Unit han Tacloban City Police Office, nga ada ha 58 kabug-os nga roman candle, 90 kabug-os nga pailaw, 90 kabug-os nga lusis, 5 kabug-os nga Sputnik Gold, 9 kabug-os nga battery, 53 packs nga Binggala, 5 kabug-os nga Jumbo Gold, ngan 2 kabug-os nga Judas belt, kun diin nagkakantidad naman ine ngatanan hin P44,705.
Ginpahimatngon naman hine ha publiko nga mayda kaangayan nga kaso an pag aatubangon han bisan hino nga madadakpan nga nagbabaligya nga waray permit.
