-- Advertisements --
TACLOBAN CITY – Maluya an nagin kuhida han mga manirinda hiton pabuto ha kahuhuman la nga pagsalin-urog han kapaskuhan.
Sumala kan Frederick Dy, Firecracker Dealer hiton syudad han Tacloban, dire sugad kamasurong iton mga pabuto kun pasko, mahitungod nga nagigin masurong ine ha pagtapo hiton bag-o nga tuig.
Dugang pa han mao nga negosyante, may pipira naman nga pumalit hin pabuto pero dire gud sugad kadamo.
Samtang, nagpahimatngon naman ine ha publiko ha sakto nga paggamit han mga pabuto, agud nga malikayan an pagkakamay-ada hin mga disgrasya sugad hiton sunog.
