TACLOBAN CITY — Gin-aaghat han mga kasundaluhan an mga miyembro han New Peoples Army (NPA) nga makipagkooperar ha programa han gobyerno agud nga makab-ot an tinood nga kamurayawan ha bug-os nga nasud.
Sumala kan 1st Lt Julius Tecson, Civil Military Officer han 87th Infantry Battalion, nga may-ada mga programa nga nakaandam an gobyerno para ha mga boluntaryo nga masurender nga mga miyembro han rebelde nga grupo.
An kaparte han pamahayag ni 1st Lt Julius Tecson, Civil Military Officer han 87th Infantry Battalion
Dugang pa hini nga waray mahingangadto-an an maabot 50 anyos na nga pakikipagbisog han mga walhon nga grupo nga kutob yana in waray pa ginkita nga kadaugan han ira ginhihingyap ngan ginruruba la hini an kabubuwason han ira mga nare-recruit.
An dugang nga pamahayag ni 1st Lt Julius Tecson, Civil Military Officer han 87th Infantry Battalion
Iginpapatapod naman han mao nga opisyal han mga masurender nga waray ini angay nga igkabaraka tungod talwas an ira seguridad ha panahon nga hira in makiusa na ha gobyerno ngan para produktibo ini nga myembro han susyudad.
An katapusan nga pahayag ni 1st Lt Julius Tecson, Civil Military Officer han 87th Infantry Battalion
