TACLOBAN CITY–Gindig-unan hiton pira nga mga negosyante ha syudad han Tacloban nga dire sadang an P500 nga pan Noche Buena nga pahayag ni DTI Sec. Roque.
Sumala kan Colai Co, Information Officer han TFCCCI ngan Chairman han Brgy. 41 Tacloban City, kun babatag-batagon an P500, makakapalit ine hiton spaghetti, cheese ngan tinapay, pero dire naman ine maikokonsidera nga pan-noche bueana matungod nga kasagaran nga nagkakatitirok iton pamilya pag-naabot iton kapaskuhan.
Dugang pa hine, an kapaskuhan in natatabo usa kabeses ha usa katuig, sanglit urusahon nga spaghetti ngan tinapay la an ig-aandam hiton kada pamilya.
Mababaruan, nga gindepensaran ni Sec. Roque an iya pamahayag nga sakto an P500 nga pan Noche Bueana, ha 3-4 nga miyembro hiton pamilya.
