TACLOBAN CITY – Nagpahipatik an COMELEC-8 nga sumaka na ha 3,000 an mga botante nga nagparehistro para hiton pagdudumaraun nga Baranggay and Sanggunian Kabataan Elections yana nga tuig.
Sumala kan Atty. Maria Goretti Cañas, Information Officer han COMELEC Regional Office 8, nga hamubo pa ine nga ihap hiton mga nagparehistro naglalaum mangud an COMELEC nga maabot ha sobra 5,000 itun maparehistro para han mao nga elections.
Dugang pa ni Cañas, nga ha 3000 nga nagparehistro, majority dinhe in mga SK voters. Naadman gihapon nira nga mayda pa sobra mil nga waray pa magparehistro gihapon.
Padayon nga ginbubuhat an mao nga transaksiyon kumo regular registration ha second floor hiton usa nga mall ha Marasbaras.
Andam nagihapon an mga gagamiton nga mga skwelahan ngan clusters para hiton elections, ngan mayda gihapon sakto nga manpower para mag mangdo hine.
Samtang, nagpahimatngun iton COMELEC-8 ha publiko nga an BSKE registrations in kutob nala yana nga Enero 31, ngan abri iton ira opisina para ha mga maparehistro.
