-- Advertisements --
TACLOBAN CITY – Mapasinalamaton an mga mulopyo han norte han Tacloban ha gintutukod nga health center ha mao nga lugar.
Sumala kan Gregorio Malate, Kapitan han Brgy.106 Sto. Nino, Tacloban nga dako an maibubulig han mao nga center labi na nga diri na mahihirayo an mga residente han Northern Baranggays agud magpakonsulta han ira mga inaabat.
Dugang pa hini nga diri na kinahanglan pa nga kumadto ha siyudad kun mayda emergency tungod nga mayda naman hira pasilidad nga madadalagnan ha oras han magkinahanglanon an mga residente han nasabi nga lugar.
Gin-aaghat naman ni Kap. Malate an tanan nga mga residente nga magpadayon an pagbinuligay ha mga proyekto nga ginhihimo ha ira lugar tungod nga hira manla gihapon an makakatagamtam hini.
