-- Advertisements --
TACLOBAN CITY — Nagpapadayon an ginbubuhat nga mga pitad han magturutdo agud nga masiguro nga natatagan la gihapon hin maupay nga kalidad hin edukasyon an mga studyante ha luyo han nagpapabilin nga pandemya.
Sumala kan Jestoni Aborque, Grade 1 Teacher han San Roque Elementary School ha Marabut, Samar, nga doble pakuri labi ha ira nga mga grade 1 teachers an pagtutdo ha mga kabataan yana nga pandemya tungod modular la an pamaagi han pag-aram.
Matungod hini in nagbubuhat nala hira hin mga pitad agud nga mas ma-aghat ngan maintindihan han mga kabataan an leksyon sugad hiton paghatag hin mga canned lesson.
Padayon gihapon an weekly visitation labi na ha mga studyante nga maluya ha klase agud nga mamonitor an mga ini ngan mabuligan.
