Milyones kapesos nga multa an posible nga kaatubangon han mga kumpanya nga dire nagtutuman ha balaod ha pag-recycle ngan pag-iiban han plastic waste.
Sumala kan Palace Press Officer Usec. Claire Castro, mayda 155 nga kumpanya an ginpadad-an na hin show cause order mahitungod nga dire nakakasunod ha ira obligasyon ha ilarom han Extended Producer Responsibility o EPR Law.
Ha ilarom han balaod, kinahanglan mabawi ngan ma-recycle han mga kumpanya nga nagamit hin plastic packaging an dire masubos ha 60% han ira packaging waste.
Padayon naman nga ginpapanginano han Department of Environment and Natural Resources o DENR pinaagi han pag-audit ha kadamo ha basura nga nare-recover han kada kumpanya.
Duon pa ni Castro, importante nga mapagbaton an nga kumpanya nga dire nagsusunod, labi na nga plastic an dako nga parte han basura nga nakikita nga nagbabara ha mga salog ha Metro Manila.
