TACLOBAN CITY – Mahuman nga matunga an Housing and Land Use Regulatory Board (HLURB) pinaagi han RA 11201 in nagkamay-ada ine hin Department of Human Settlements and Urban Development (DHSUD) ngan Human Settlements Adjudication Commission (HSAC) kun diin mayda an mga ine mga kalugaringon nga functions.
Sumala kan Atty. Juan Manuel B. Cadano, Legal Division Head hiton Human Settlements Adjudication Commission – Regional Adjudication Branch VIII, an DHSUD in amu an nakarawat para han permits, licenses, ngan registration samtang, an HSAC naman in ada na nasulod kun nagkakamay-ada na hin problema.
An HSAC an nagtindog nga hin korte kun diin nakarawat an nasabi nga buhatan hin kaso ngan naghihimo han desisyon.
Duha naman nga klase hin kaso an ginkakaptan han mga ine, an real-estate management ngan homewoners association.
An real estate management in an mga subdivisions o housing units ha sulod hiton subdivsions nga gin babaligya kun diin kaurugan nga mga reklamo in mahitungod han sayop nga model han balay o waray magkasarabot ha kontrata, samtang an homeowners association naman in mga reklamo kasumpay han mga opisyal han asosasyon.
Gin aghat naman han mao nga opisyal an mga katawhan mga bisitahon an ira opisina kun mayda mga reklamo hiunong hiton balay.
