TACLOBAN CITY — Ginpahayag han Police Regional Office 8 (PRO8) nga humabubo an kaso han Violence Against Women and Children (VAWC) yana nga tuig
Sumala kan PCapt. Analiza Armeza, chief han Women and Children Protection Desk (WCPD), nga inmubos hin 50.53% an kaso han VAWC yana nga tuig nga may-ada la total nga 232 cases kumpara han nakalabay nga tuig nga may 469 cases.
Nakaghipatik gihapon hin 50% nga paghamubo ha mga kaso nga pan-aabuso ha mga kabataan tikang ha 222 cases dida han 2019 nga yana in 111 la.
Pira ha mga kaso maypaghisumpay ha VAWC nga nairecord yana tuig han PRO8 amu an Rape nga may 51 cases, R.A. No. 7610 (Special Protection of Children Against Abuse, Exploitation and Discrimination Act) nga may 46 cases, Acts of Lasciviousness nga may 11 cases, Attempted Rape nga may 2 nga cases ngan R.A. No. 9995 (Anti-Photo and Video Voyeurism Act of 2009) nga mayda la 1 nga kaso.
Dugang pa hini nga pira ha mga rason kun kay anu nga gumutiay an VAWC cases yana in mahitungod han padayon nga information awareness maypaghisumpay ha pagprotehir han mga katungod han kabataan ngan kababayin-an.
Gin-aaghat naman hini an mga nabiktima hin pan-aabuso nga diri mag-alang nga dumangop ha Women and Children Protection Desk agud nga dayon nga mabuligan.
