TACLOBAN CITY – Nangangandaman na an mga kapulisan ha syudad han Tacloban para han nakatalaan nga pagsalin-urog han ika-walo katuig nga komemorasyon tikang han pag-igo han Supertyphoon Yolanda.
Sumala kan Pol. Lt. Col. Allan Camasin, tagapagyakan han Tacloban City Police Office (TCPO), padayon an ira pag-aandam para han ira magiging pagbabantay ha 8th year commemoration han Supertyphoon Yolanda ha maabot nga Nobyembre 8.
Madepende gihapon an ira magiging deployment ngan pagbabantay ha mga aktibidad nga pagdudumaraon han Tacloban City Government ngan han Sto. Niño Church.
Una na nga ginpahayag han Tacloban City government nga mahitungod an nagpapadayon nga pandemya in limitado la an pagdudumaraon nga mga aktibidad kasumpay han mao nga komemorasyon.
