NATIONAL – Ginbuyagyag han usa nga house lead an iba pa nga kumarawat hin confidential funds nga kaapelyido han mga senador, kongresista, ngan kaparehas han usa nga kilala nga bakeshop.
Sumala kan Deputy Majority Leader Paolo Ortega V han La Union, mas humalaba an listahan han mga kaduda-duda nga ngaran nga iginlista nga nakakarawat hin confidential fund ni Duterte.
Sumala kan Ortega, nalutaw an mga ngaran nga mayda kaparehas nga apelyido han mga presente nga senador sugad kanda “Beth Revilla,” “Janice Marie Revilla,” “Diane Maple Lapid,” “John A. Lapid Jr.,” “Clarisse Hontiveros,” “Kristine Applegate Estrada,” ngan “Denise Tanya Escudero” kumo daw benepisyaryo han confidential funds.
Labot ha sumikat nga ngaran nga “Mary Grace Piattos,” ginpahayag ni Ortega nga ada ha listahan gihapon hira Cannor Adrian Contis,” ngan mga indibidwal nga mayda apelyido nga “Solon”: Kris Solon ngan Paul M. Solon—apelyido nga kaparehas ni Sarangani Rep. Steve Chiongbian Solon.
Dugang pa ni Ortega, an kaagsob ngan pagigin creative han mga ngaran in baga-baga hin dire na aksidente kundi posible nga indikasyon hin sistematiko nga pagprubar nga igtago an tinuod nga gios han confidential funds.
