Mas ginpakusog pa han Land Transportation Franchising and Regulatory Board (LTFRB) an pagdudumara hin mga inspeksyon ha mga bus ngan terminals yana nga Semana Santa para ha ginlalauman nga pagdamo han mga pasaheros yana nga semana.
Sumala kan LTFRB Chairperson Vigor Mendoza II, kumo kaparte han tinuig nga exodus ngan ginlalauman nga kadamo han mga sarakyan ngan motorista ha mga karsada, gin maupay na han buhatan nga magdumara hin mga security inspections ha mga bus agud masigurdo an seguridad han mga manarakay ngan malikayan an mga disgrasya ha kadalanan.
Kasunod hini, gin kumpirma ni Mendoza nga pira nga mga terminal ngan operators an naisyuhan na hin mga show-cause orders mahitungod ha mga nakita nga pagtalapas partikular na pag-abot ha road-worthiness han mga bus samtang an iba naman in mahitungod ha physical ngan mental readiness han mga drivers hini.
Dugang pa ni Mendoza, an mga pagtalapas in kinahanglan waray mga excuses ngan gin sigurado nga an mga makikit-an nga pagtalapas o matalapas in papag-eksplikaron ngan mumultahan.
Samtang, kumo kasugbong han transportation authorities, gin aghat naman han Philippine National Police – Highway Patrol Group (PNP-HPG) an mga motorista nga batasanon nga magkamay-ada hin halaba nga pasensya ngan himuon nga prayoridad an road safety ha kada biyahe yana nga Semana Santa.
