TACLOBAN CITY – Nagpapabilin nga habubo an porsyento o ihap han mga indibidwal nga karuyag magpaturok hin booster shot ha siyudad han Tacloban.
Sumala kan Dra. Gloria Fabrigas, Head han Tacloban City Health Office, maabot la ha 31,732 an kabug-usan nga ihap han mga nagpabooster ha syudad.
Ha mao nga ihap, 2,500 dinhi an naturukan na hin 2nd booster dose samtang 29,146 an1st booster dose.
Nakikita gihapon ha pagkayana nga mas karuyag han general population nga magpa-booster kumpara ha mga priority groups sugad han A1, A2 ngan A3.
Ha kaluyo hini in umabot na ha 89% an mga fully vaccinated individuals ha syudad o an mga naturukan na hin duha kadose hin COVID-19 vaccines.
Naglalaum gihapon an mao nga buhatan nga makakapagtikang na hira ha paghahatag hin booster shot ha general population agud mas humitaas pa an ihap o porsyento han mga makakakarawat hin booster doses.
