TACLOBAN CITY – Gintugutan han Commission on Higher Education (CHED) an mga gradwar han engineering nga makag-exam mahuman nga temporaryo nga ginexempt an pira nga mga unibersidad ngan eskwelahan han ira resikitos nga Certificate of Program Compliance (COPC).
Sumala kan Professional Regulation Commission Region 8, Regional Director, Armond Englis nga bisan man gintugutan han CHED an mga unibersidad ngan eskwelahan nga makag apply para ha licensure examination an ira mga estudyante in kinahanglan la gihapon han mga ini nga magsumiter han ira mga resikitos ugsa pa man iton Setyembre 9, 2025.
Dugang hini nga mahuman iton nakatalaan nga deadline in dire na mahatag hin exemption an CHED ngan an mga non-compliant programs han mga unibersidad ngan eskwelahan in igpha-phase out.
Sumala pa kan Englis nga kinahanglan la umaro hin approval iton mga eskwelahan han CHED agud makagtikang na magsumite hin aplikasyon an mga estudyante kun diin, haros tanan nga eskwelahan nga may kurso nga engineering ha rehiyon in namag-apply na.
An Certificate of Program Compliance in usa nga rekognasyon nga an mga programa nga gin o-offer han mga unibersidad ngan eskwelahan in nasunod ha aludayda ngan giya han CHED ngan ini in quality-assured.
