TACLOBAN CITY – Natikangan na an pandistribwer han mga foodpacks nga kinahanglan ig panhatag ha mga naapektaran han shear line ha rehiyon kun diin an iba nga lugar in nakaabat hin mga pagbaha.
Sumala kan Atty. Jonalyndie Chua, Regional Information Officer han Department Social and Welfare Development Regional Office 8, nagtikang na hira han pandistribwer han mga foodpacks dida pa han nakalabay nga adlaw.
Umabot naman na ha 1,700 nga mga family foodpacks an naihatag ha Munisipyo han Oras Eastern Samar, samtang sobra naman 700 foodpacks an partial pala nga nakuha han bungto han Jipapad Eastern Samar mahitungod nga hira an syahan nga nakaabat han epekto han shear line.
Maabot naman ha tulo kaadlaw an sulod han mga foodpacks nga gin pandistribwer kun diin nagsusulod ine hin corned beef, sardinas, cereal, ngan bugas.
Samtang, ha pagkayana in padayun pa naman an pagdistribwer han mga nasabi nga food packs ha iba nga bungto nga naapektaran han shear line.
