MANILA, PHILIPPINES – Dire puydi tanggalon han employer an usa nga empleyado hin waray legal ng basaran.
Ini an pahimatngon han Department of Labor and Employment ha pamamaagi han National Labor Relations Commission kun diin ginpahimatngon an katungod han kada empleyado.
Sumala kan NLRC Commissioner Hernan Nicdao, protektado an mga regular employees han security of tenure sanglit dire hira puydi nga ma-dismiss hin wray insakto nga rason.
Gintutugitan la niya an termination han usa nga employee kun nagkamayda hin seryoso nga pagtalapas, fraud, retrenchment, retirement, pag-iban mahitungod ha bag-o nga sistema o pagkakamayda hin seryoso nga sakit.
Kinahanglan gihapon maghatag hin separation o retirement pay kun malakat ha trabaho hin dire sala han empleyado.
Ha kaso naman han redundancy, makarawat an empleyado hin kaparehas hin usa ka-bulan nga sweldo tikang ha ihap han tuig ha serbisyo samtang half-month nga bayad naman para ha kada-tuig nga ginalutaga han usa nga empleyado nga na-retrench o grabe nga nagkasakit.
Puydi naman umatubang ha reklamo nga illegal dismissal an mga employer nga dire kakarawton an mga empleyado hin waray insakto nga rason labi na kun aprubado an sick leave.
An mga magdadaog ha kso han illegal dismissal in puydi makabalik ha trabaho nga may kaupod nga sweldo o tatagan hin separation pay kun dire na mabalik.
