NATIONAL NEWS- Nagpahinumdom an Department of Labor and Employment (DOLE) ha mga employer kasumpay ha sakto nga pasweldo ha Ninoy Aquino Day.
An nasabi nga holiday in gindudumara kinada ika 21 hiton Agusto pero yana nga tuig in ginbalhin ine ni PBBM ha Agosto 23 ha ilarom han holiday economic practice para mapakusog an domestic tourism.
Ha ilarom naman han DOLE Advisory No. 9-A, nagpapahibaro ine ha mga employees nga magtatrabaho ha adlaw hiton Biyernes in makaka-karawat hin dugang nga 30% nga sweldo.
Kun mag-overtime naman an usa nga empleyado, makaka-karawat naman ine hin kadugangan nga 30% ha ira hourly rate.
Pananglitan naman nga natuman nga Day-Off hiton empleyado pero sumulod ine ngan nagtrabaho, may dugang naman nga 50% ha iya inadlaw nga sweldo.
