NATIONAL – Ginbantad han mga eksperto an Senado nga igpadayon an impeachment trial kontra kan Vice President Sara Duterte.
Ini in mahuman nga igbalik han Senado, nga natindog kumo impeachment court, an complaint ha Kamara han 18 nga senator-judges an pumabor ngan lima la an waray umabuyon nga igbalik ini mahitungod ha “constitutional infirmities” nga kinahanglan batunon.
Ginpunto han Philippine Constitution Association (PhilConsa), nga ginmamangulohan han chairman hini nga hi retired Chief Justice Reynato Puno, nga nagdudurot hin constitutional concerns ha integridad han impeachment process an nagin aksyon han Senado.
Kalakip na dinhi an grave abuse of discretion, kun ilegal ba nga ginsuspende han Senado an hurisdiksyon hini kumo impeachment court.
Ha kaluyo hini, umapela an Philconsa ha Senado nga unahon an ira mga responsibilidad ha Konstitusyon ngan igpadayon an impeachment trial basar ha rule of law.
