NATIONAL – Ginatunbang han prosekusyon han gobyerno an usa nga testigo ngan mga piraso han ebidensiya ha pagdungog ha kaso nga qualified human trafficking kontra kan dismissed Bamban Mayor Alice Guo ngan iya kapwa akusado ha Pasig Regional Trial Court Branch 167 may kalabutan ha ilegal nga operasyon han POGO ha Bamban, Tarlac.
Siyahan nga ginpresenta han prosekusyon kumo testigo an usa nga opisyal han Presidential Anti-Organized Crime Commission ha tikang han pagdungog para ha petisyon para makapagplagak hin piyansa hi Guo ngan iya mga co-accused ha kaso.
Sumala kan Prosecutor Olivia Laroza Torrevillas, an pagatubang han testigo in agud matagan hin overview o detalye kun patinunan-o nabuhat an qualified trafficking ha sakob han compound han Bao Fu kun diin nakatindog an pasilidad han POGO ha Bamban.
Samtang ha mao nga pagdungog, in umatender la hira Guo ngan iba pa niya nga kapwa akusado ha pamamaagi han video conference ngan magpapadayon ha adlaw han Martes, Oktubre 22.
