TACLOBAN CITY – Ginpahibaro han Philippine Drug Enforcement Agency PDEA-8, nga pwede pagdad-on ha mga reformation centers o kun gintatawag nga Balay Silangan an mga gintutuohan drug pushers ha Sinirangan Bisayas.
Sumala kan Rogellete Urgel, Information Officer hiton Philippine Drug Enforcement Agency o kun PDEA Regional Office 8, nga ini nga mga Balay Silangan in panuyo nga mabag-o iton panhuna huna han mga pushers nga mayda pa iba nga mga pamaagi nga pwede pagkuhaan hin income labot la han iligal nga droga.
Mababaruan nga mayda maabot 20 mga reformation centers ha bug-os nga rehiyon, nga pwede dad-on an mga ini ha mga magkadurudilain nga mga Balay Silangan sugad nala ha Laoang, Northern Samar, Daram, Jiabong, Hinabangan, Gandara, Tarangnan, Pagsanghan, Sta Margarita, Catbalogan City ngan Calbayog ha probinsya han Samar.
Mayda gihapon ha Biliran, Abuyog, Barugo, ngan Bato ha Probinsya naman han Leyte, samtang ha mayda gihapon ha Padre Burgos, Anahawan, ngan Sogod ha Southern Leyte.
Lakip ha mga aktibidad nga ginbubuhat in an paghatag hin training interventions, moral recovery activities ngan livelihood skills nga puydi magamit nira mahuman an 6 kabulan nga pag inukoy ha mao nga center.
